اجوزت انا وسلفتي فنفس اليوم

اتجوزت أنا وسلفتي في نفس اليوم

انا وسلفتي

اتجوزت أنا وسلفتي في نفس اليوم أنا عندي 28 سنة وهي عندها 19 سنة جوزي عنده 40 سنة وجوزها 43 سنة دخلنا عيلة كبيرة حمايا وحماتى وأربع بنات واحدة متجوزة وأربع أولاد كلهم مش متجوزين أصغرهم عنده 27 سنةفي الأسبوع الأول عندنا العروسة متعملش أي حاجة بس هي من أول يوم صحيت دخلت المطبخ تساعد كانت شاطرة جدا في كل حاجة وأنا كنت قاعدة أهتم بنفسي وأحط مكياج وألبس وأقعد مع حماتي والضيوف وهي بقى تخدم وتعمل الحلويات بأنواعها في ثانية وتجهز الغداء والعشاء وتغسل المواعين مع إخوات جوزي متىتعبش ولا تزهق

والحاجة اللي كانت محيراني إنها دايما مهتمة بنفسها شعرها يجىنن لبسها تحفة مكياجها رائع وريحتها دايما جميلة مع الوقت بقت قريبة من حماتي وحمايا جدا بيحبوها أوي جوزها بيتغزل فيها قدام الكل اخوات جوزى بيشكروا فيها والبيت كله بيتكلم عن جمالها وأخلاقها حتى لما كانت تعزم أهلها عندنا كانت تخلي حماتي تحس إنها أهم من أمها وتشاورها في كل حاجة وحماتي كانت بتحبها وتعاملها أحسن من بناتها أنا كنت في صراع مع نفسي ومش لاقية إجابة لحاجات كتير وحاسة نفسي غريبة في البيت وعلاقتي بجوزي كانت مجرد واجب ورسميات بس كنت بحاول أتصرف زيها بس مش بعرف بمىل وبزهق بسرعة حتى جوزي بقى يعايرني بيها ويقولي هي صغيرة وزينة وعاقلة وعقلها كبير ونعمة لازم نحمد ربنا عليهامع الوقت بقيت اغىير منها وكرهتىها اوووى