جارتي الشقراء بقلم عادل عبد الله قصة حقيقية
حكايتي مع جارتي الشقراء
قصة حقيقية رسالة من احد المتابعين
كنت لسه متجوز جديد من كام شهر وكنا في عز الصيف و الحر وعلشان مش عندنا تكييف كنت بحب اسهر في البلكونة مع مراتي وكانت تطلع تقعد معايا ونتكلم لحد بعد نص الليل لما الجو يبتدي يتحسن شوية ندخل ننام علشان شغلنا الصبح .
وكانت احيانا مراتي تدخل تنام بدري واسهر لوحدي .
وفي ليلة بعد دخول مراتي للنوم وكنت قاعد سهران لوحدي في البلكونة شوفت احلي مفاجأة ممكن اشوفها .
شوفت شباك مفتوح وفيه واحدة زي الملاك قاعدة بتسرح شعرها الأشقر الجميل .
وكانت بتعمل ميك اب قدام المرايا والمدهش انها كانت بملابس النوم !!!
كنت اول مرة اشوفها ومعرفش عنها حاجة !! معرفش اسمها ايه او اذا كانت بنت او متجوزة كل ده مش مهم !!
وقعدت ابص عليها وهي مش ملاحظة اكتر من نص ساعة لحد لما قفلت النور ونامت !!
دخلت انام وبفكر في القمر اللي شوفتها من شوية وكنت سرحان في تفاصيلها ومش قادر انساها .
وفي اليوم التالي
خرجت سهرت في البلكونة من بدري ومستني اني اشوفها تاني وفعلا شوفتها اني زي اليوم اللي قبله بالظبط .
وكل يوم كنت اخرج البلكونة علشان اشوفها و اكون حريص ان مراتي مش تلاحظني .
وبعد حوالي اسبوع قررت اني لازم اكلمها واتعرف عليها !!
وفعلا استنتها في يوم نزلت ومشيت وراها لحد لما دخلت سوبر ماركت ودخلت وراها كأني هشتري حاجة وحاولت اكلمها لكنها تجاهلتني تماما !!!
اكتر من مرة اكرر محاولاتي اني اكلمها واتعرف عليها لكنها كل مرة كانت بتتجاهلني لكنها لحد كده ولسه مش لاحظت اني بشوفها من البلكونة !!
من جمالها انا كنت مصمم اكلمها وعارف ان مع تكرار محاولاتي هتجيب نتيجة اكيد !!
لغاية في يوم والدتي جات تزورنا انا ومراتي في شقتنا وشوفت أمي شكلها متغير وواضح علي ملامحها الڠضب !!!
سألتها عن
السبب لكنها رفضت تتكلم لغاية لما مراتي دخلت تحضر الغدا و بدأت أمي تو بخني بالكلام وتقولي عيب لما تبص علي ستات وبنات الجيران !!!
قولتلها انا مش بعمل كده قالتلي اني كداب وانها عارفة ومتأكدة !!!
ولما حاولت أنكر تاني قالتلي ان جارتي الشقراء اللي ببص عليها بنت واحدة قريبتنا وانها كانت بتزورها قبل ما تيجي عندي ولما قالت لجارتي ان ابنها ساكن في نفس الشارع جنبها و اشارت لها علي شقتي حكت لها اني ببص عليها من البلكونة واني اكتر من مرة حاولت اكلمها !!!
كنت قاعد قدام أمي في قمة الاحراج !!
وزاد احراجي لما امي قالتلي اذا كنت في اول جوازك وبتعمل كده اومال بعد كام سنة هتعمل ايه !! لو مراتك مش عجباك اتجوزتها ليه !! ولو عجباك بتبص لغيرها ليه !!
كل الكلام ده قالته وانا قاعد مش قادر انطق ولا كلمة .
بعدها قالتلي ان قريبتنا الشقراء دي كانت هتقول لجوزها لما حاولت اكلمها لكن بعد ما قابلت امي وعرفت اني ابنها مش هتقوله الا اذا بصيت عليها تاني وساعتها محدش يقدر يلومها !!!
وعدت امي اني مش هبص عليها تاني ولا احاول اكلمها وفعلا بعدتها عن تفكيري نهائي لكن بعد اقل من شهر كنت قاعد مع مراتي و اتفاجئت بها بتتكلم عليها وبتقول انها اتعرفت عليها وانها لسه عروسة جديدة زينا وان جوزها شغله في مكان بعيد وبينزل اجازة خميس وجمعة من كل اسبوع .
طبعا انا قلقت انها تكون كلمتها في حاجة !!!
وعلشان اقفل السكة عليها خوفا انها تقولها اي حاجة قولت لمراتي انها قريبتنا من بعيد وان فيه مقاطعة بين العيلتين بسبب مشاكل من زمان ونصحتها تبعد عنها ومش تختلط بها ابدا .
لكن الحقيقة رغم اني توقفت عن النظر لها من البلكونة وعن محاولة الكلام معها الا اني لااراديا كنت ببص عليها من
وقت للتاني ومش قدرت ابعدها عن تفكيري .
ألف_قصة_و_قصة
