قصة حقيقية إن كيدهن عظيم اعترافات زوجة و أنا فاتحة الفيس بوك لقيت زوجي باعتلي أدد على حسابي اللي أصلا أنا عاملاه بأسم مستعار غير اسمي الحقيقي قبلت الاضافة واصبح زوجي حبيبي هو صديقي قام أبو الشباب قعد يتكلم معي عالخاص وانا بيني و بين نفسي بقول : أنت وقعت ولا الهوى رماك ؟؟ تعالى يا حلو وعامل فيها مشغول على اللاب توب طول الليل جت فرصتي لحد عندي أني أخد حقي وبدأ يتعرف ويدحلب ويتكلم ويحكي هزر وانا هزرت زوجي بقى وبراحتى غازلني اتقبلت غزله كل يوم يبعتلي نكت و صور وقلوووب ويفتح مواضيع وحكايات معايا وطبعا هو مفكرني نايمة أدخل عليه بتعمل ايه يا حبيبي طبعا بشتغل يا روحي عندى شغل كتير أوى بدأت أعمل نفسي مشغولة بالمطبخ أكتر الوقت و هو ممنون طبعا من انشغالي و أدخل اكلمه من جوه من المطبخ وهوا عايش اللحظه وكل يوم ضحك و عالفيس وفى البيت منكد عيشتي و مطلع عيني و ضارب بوز وعلى الفيس ناااااعم ومشاعر عالية بعد ما تم التعارف وانا مسهله له كل الطرق جوزي بقاااا ولازم اخد راحتي بقا. وتعرفنا وطلب يشوف صورتي قمت قلتلو : أوى أوى عنيا حبيبي و رحت بعتالوا صورة لبنت من النت كتير حلوة طار عقله واتهبل زى المچنون مع أنى في الحقيقة والله حلوة وجميلة بشهادة الجميع بس تقولوا إيه و أنا بيني و بين نفسي عماله أغلى بس قاومت و كملت سألني أنت مرتبطة؟؟ قلتله لا يا حبيبي طبعا انت خلاص بقيت دنيتى وحياتى وثبته تثبيت السنين قال طيب تتجوزيني ؟؟؟؟ يا لهوى طب أنا اجيلك من المطبخ دلوقتى اعمل معاك الجولاشة بس قلت لأ بكره ټندم يا ابو العيال قلتله بس أنت متجوز !!! وهتعمل ده ازاي وزوجتك أكيد هتزعل والمفاجأة قال بالله ما تجيبي سيريتها هي واحدة نكدية وريحتها بصل ههههههه شوفوا الراجل أنا ريحتي بصل كداب كدب الابل قلتلوا ماشي بس ان هفكر كتير بدأت أشتغله هتيجي تخطبنى من بابا وعاوزه طقم دهب النوع الفلاني غالي جدا جدا طبعاً قلت هيهمد ويدخل ينام بقى ويهدي المفأجأة قال حاضر خلاص بقيت عيونه بقا أستلف منى فلوس ههههههه مع انه في فلوس معاه وأشتراه و رجع يكلمني و يطلب مني العنوان عشان يقابل أهلي و يطلبني و يلبس الذهب قلتلو انتبه وخد بالك لاتكون مراتك النقاقة النكدية تشوفك أو تشوف الدهب تبوظ لينا الموضوع. قالي لا مش تخافي وانا طبعاً شلته خالص حطيتوا فى درج مكتبي و قافل عليه والمفتاح فى النيش ومش بتفتح النيش أبدا قلت انت و قعت بقا اد وحبيبي وروحي طبعا مش عيب يا جماعه لأنه في الحقيقة زوجي وقلتله انت فعلا حبتنى علشان شكلى ولا أيه استغرب كده وانتفض وقال طبعا لأ ؟ روحك الحلوة و دلعك و خفة دمك شدوني ليكى أما الشكل أخر شي بافكر فيه قلتله طمنتني علشان كده انا هبعتلك صورتي الحقيقية قالي يعني أنت مش حلوة ؟؟؟ و الصورة مش صورتك ؟؟؟ قلتله أنا حلوة مش تخاف ثوانى بقى جمد قلبك شويه قال مفيش مشكلة خلاص .. أبعتيلي صورتك الحقيقية و قمت بعتله صورة أمه حماتي الغالية ههههههه حبيبي حياتي رحت فين ؟؟؟ وطلعتله الصاله بطقم الدهب الجديد الحلو جتله غيبوبة سكر و قضى ليلة بالعناية المركزة و قضى أسبوع فاقد النطق هههههههههههه بس بصراحة عشت معاه أجمل شهرين في حياتى هههههههه ودا اخرة اللى يمشي ورى هواه طقم دهب عمرى ما كنت أحلم بيه . هههههههه.
