أخويا الصغير من أسبوع

وجريت وراه وبصيت ملقتش أي حاجة قعدت على السطح وأنا مش قادرة أقف تاني من اللي شوفته وفضلت اتنفس مرة واتنين وتلاتة وفجأة سمعت حاجة بتهمس ورايا وأول ما بصيت لقيت أخويا الصغير غرقان في دمه واتكلم بصوت مبحوح خالص وقال
أنا عايز التليفون بتاعي
أول ما سمعت الكلمة فقدت الوعي تماما وصحيت بالليل الساعة 11 تقريبا على صوت أمي وهي بتنادي وبتقول أنتي كل ده عندك بتأكلي الطيور..
رديت عليها ونزلت بسرعة لأني كنت خاېفة جدا نزلت أوضتي وشغلت قرآن وفضلت قاعدة لحد الصبح مش قادرة أتلم على أعصابي وتاني يوم كنت خاېفة وأنا طالعة للطيور بس استعنت بالله وطلعت وكانت كل
حاجة ماشية بصورة طبيعية تماما وقررت مطلعش تاني بالليل عشان متحصلش حاجة تخوفني بس بعدها بيومين وعلى الساعة 11 بالليل سمعت صوت أخويا بينادي من على السطح
يا هيام
يا هيااااام
شعر جسمي كله وقف لما سمعت صوته ومكنتش قادرة أنطق ولو بنص كلمة قمت من مكاني وفكرت أصحي أمي بس مقدرتش أمي ممكن يجرالها حاجة لو حست إنه ممكن يكون عايش وأنا ماصدقت إنها بقت كويسة دلوقتي طلعت وأنا بقدم خطوة وبرجع خطوتين لحد ما وصلت للسطح وأول ما وصلت سمعت صوت بكاء كان صوته هو وكان بيعيط بصتله وأنا عنيا هتخرج من مكانها وبصوت خرج مني بالعافية قولتله
أنت بټعيط ليه
لقيته رد بنفس صوت الفحيح وقال
عشان مبتطلعيش ليا بالليل وكمان أنا عايز التليفون بتاعي
وقبل ما أجاوبه سمعت صوت أمي بتنادي عليا نزلت بسرعة وأنا بترعش لقتها بتسألني بكلم مين على السطح اتحججت بأي حاجة وحمدت ربنا إن الجو ضلمة عشان متلاحظش جسمي اللي بيترعش سألتها عن السبب اللي خلاها تصحى في الوقت ده قالتلي إنها حلمت بأخويا بيعيط وعمال يقول أنا عايز التليفون بتاعي خدتها عشان تنام مرة تانية وقعدت في الأوضة أفكر لحد ما قمت من مكاني وقلبت البيت كله على تليفون أخويا بس للأسف مكنش له أي أثر ومبقتش عارفة أنا ممكن أعمل أيه..
لحد ما تاني يوم جتلي واحدة صاحبتي كانت قريبة مني أوي قعدت معايا أنا وأمي ولما شافتني حيرانة سألتني ولقيت نفسي بحكيلها كل حاجة الغريب إني شوفت نظرة غريبة أوي في عنيها ولما سألتها قالتلي إنها كانت واقفة وسط الناس لما أخويا ماټ وشافت عمي يبكي وخد التليفون من جيبه الكلمة صدمتني وفكرت أروح أطلبه من عمي بس مكنتش عارفة هعمل ده ازاي وتاني يوم قررت أدخل بيت عمي لما راح الشغل وقابلت مراته اللي استقبلتني استقبال كويس..
فضلت قاعدة معاها لحد ما استغليت الفرصة ودخلت أوضة النوم فتشت في الدولاب ولقيت تليفون أخويا فعلا خدته ورجعت البيت وقررت أطلع واسيبه على السطح طالما هو عاوزه لكني قررت أفتحه