احببت ميكانيكى
ميكانيكي
ماما انا في طب ! هتجوزوني ميكانيكي
زين دا زين الرجال وبعدين ماله الميكانيكي ياهند احنا ربناكي على كدا
ياماما مش القصد بس انا مش موافقة ..
ماشي اللي يريحك
أنا مقصدش اقلل منه بس ازااي ! يعني دايما بقرأ ان البنت عايزة شخص اقل منها وأهلها رافضين ليه عاملين العكس !
هند الحقي ابوكي يابنتي ..
بابا اغمى عليه و ودناه المستشفى طبعا زين كان موجود هو اللي ودانا اصلا
خير يا دكتور
انت ابنه
جوز بنته
اهو يارب هو اللي عايزني اشتمه اهوو
دخلنا وقعدنا معاه وطبعا كنت ملتزمة الصمت وهما عمالين يشكروا زين عدا يومين وبابا خرج ومبطلوش مدح في زين واخلاقه
برضو مش موافقة
يابابا ..
خلاص يابنتي ..
بتنهيده انا موافقة
افتكرت كلام الدكتور فقررت اوافق وهطفشه يعني عادي بس على الاقل بابا مش هيبقى مضايق مني يوم
الرؤية الشرعية فضلت سرحانة لحد ما ..
طب نسيبهم لوحدهم شوية ..
5
بتحب صوت صراصير الليل !
اي !
ما انت قاعد ساكت !
انت عايزة تعرفي حاجة
اتقدمتلي ليه !
مش هقولك دلوقتي ..
انت غريب !
بس ب.. عن إذنك
هند زين اتفق معايا ان كتب الكتاب يكون بعد أسبوعين علشان تتعاملوا براحتكم وانا وافقت ..
ازاي من غير ما تقولولي !
مش انت وافقتي على المبدأ
ف تدبسوني !!
انا بدأت اشك ان زين عامل لأهلي عمل .. اه والله قعدنا لحد كتب الكتاب مبيكلمنيش لدرجة اني افتكرت والله ان الموضوع باظ لحد ما لقيته باعتلي فستان مع ماما علشان البسه في كتب الكتاب وملبستوووش هه
الفستان معجبكيش
حبيت دا اكتر ..
مبروك وإن شاء الله اكونلك زوج صالح
انا عارفة انك مش حباني بس انت مش مديه نفسك فرصة ليه
عن إذنك
عدا 3 شهور من اللاشئ بيحاول يكلمني أو يحاول يمسك ايدي ف بصده ومبييأسش في مره لقيته جايلي قدام الكلية و واقف بعيد سيكا عديت مع صحابي من غير ما التفتله قعد يومين ميكلمنيش زي ما كان بيعمل ساعتها اضايقت من نفسي اوي وقعدت اتخيل في شعوره وبصراحة انا اتعودت على زنه كمان
عايزة اتكلم معاك
هجيلك بليل نتكلم
