كنت قاعده زهقانه بالليل وجــوزي نايـــم جنبي

الفصل الاول
كنت قاعده زهقانه بالليل وجوزي نايم جنبي ..ولا دريان بيا وبحالي ..وحزينه جدا على علاقتنا اللي أوشكت على الانتهاء
وسرحت بخيالي وافتكرت بداية حياتي معاه
انا أميرة عندي 27 سنه
متجوزه من سنتين ..عمر صاحب ابن خالتي
شافني في فرح بنت خالتي ومن ساعتها وهو اتشد ليا
ومفيش اسبوع وكان اتقدملي ..وقتها كنت مضربة عن الجواز
ودا بسبب أن حبيبي يوسف لسه مكنش عارف يتقدملي
بسبب ظروفه الماديه ..انا ويوسف كنا زمايل في الجامعه
اتعرفنا على بعض في سنة تانيه في كافتريا الكلية

شاب وسيم ودمه خفيف ومقبل على الحياة
اتعلقت بيه جدا ..رغم أن أول مرة اتقابلنا فيها
حصل ما بينا مشادة ..لكن بعد كدا بقى اقرب انسان ليا في الدنيا دي ..
عشنا مع بعض اجمل قصة حب ..وكان دائما واقف جنبي
وبيشجعني على الدراسه ..واي مشكلة عندي كان يساعدني ونفكر في حل ليها سوا ..ولو في يوم خبيت عليه حاجه
بيكشفني ..ويوقعني بالكلام ..اختصارا كان يعرف عني
كل كبيرة وصغيرة وكان بيفهمني بس من نظرة عنيا
ويعرف انا فرحانه ولا زعلانه
مكنش بيتحمل اي حاجه عليا ..واقف معايا وفي ضهري
حبيته ..لا دا عشق مش حب
عرف يسيطر على كياني وكل أحاسيسي

كنا اتفقنا نتجوز بعد التخرج ..اول بس ما يخلص جيش
ويشتغل اول شغلانه يلاقيها وهو هيتقدم فورا
لانه مكنش هيسمح لحد انه يخطفني مني
وكان دائما يقولي انتي ليا وبس بتاعتي لوحدي
انتي فاهمه
واضحك واقوله بحبك يا مچنون ..اطمن مش هسيبك
انا كمان ومش هيفرقنا الا المۏت
عدت الايام واتخرجنا ..ومبقتش اشوفه كتير زي الاول
خاصة لما هو كمان دخل الجيش
وبعد كم شهر من دخوله الجيش كان ف اجازه
ولما قابلته كان حزين جدا ..وعرفت منه أن باباه ما

ټ
صعب اوي عليا ..كان نفسي اخده في حضڼي
واطبطب عليه واقوله اني حاسه بيك
بعدها علاقتنا اتوترت ..وبقينا مش بنتقابل كتير
والمرات الي كنت يقابله فيها ..كان كلامنا فيها
وضحكنا شبه معډوم
حتى أما خلص جيش..كان بيتهرب مني ومبقتش اشوفه
وبقى بيتحجج بالشغل وأنه مضغوط بسبب مصاريف
الحياه وتعب أمه وعلاجها الغالي وغير مصاريف اخواته

الصغيرين ..
ومع الوقت بقى بينسحب وبعد سنتين من خروجه من الجيش طاب يقابلني و اعتذر لي إنه مش هيقدر
يوفي بوعده ليا واني لازم اتجوز واعيش حياتي
لانه مش هيعرف يتجوزني في ظروفه الصعبه دي
حاولت ادافع عن حبنا والتمسك بيه ..واني مش هيأس
ومستنياه ..وأنه لازم يكمل ويعافر
وبلاش حبنا يضيع بأيديه ..لكنه قالي مش هقدر
وشوفي حالك يا بنت الناس
فاتت سنه ونص من اخر مره شوفته فيها
واتقدملي كذا حد من معارفنا وقرايبنا وانا برفض
لغاية ما شافني عمر جوزي في الفرح
واتقدم ليا ..وبعد محاولات وإقناع من أهلي
وزعل ماما مني اضطريت اوافق عشان ارتاح
من الزن والمشاكل بسبب حوار الجواز دا

كانت خطوبه تقليديه
ورغم أن عمر شاب محترم
وطيب وبيحبني ونفذ كل المطلوب منه واكتر
ودائما فسح وهدايا وخروجات الا اني مكنتش منجذبه ليه
ومكنتش لاقيه حجه عشان

افركش خطوبتنا
واهلي كانوا حابينه جدا واعتبروه واحد مننا
مشاعري للاسف لسه مع يوسف رغم قسوته معايا
بس ڠصب عني مش قادرة اتقبل عمر
اتجوزنا وعشنا حياة تقليديه ..وعمر الزوج المثالي
كرم وطيبة واخلاق عاليه الشهاده لله
بس مشكلته أنه عملي شويه ومش رومانسي زي يوسف
بيحب شغله ومجهتد فيه وساعات بيرجع تعبان
فيها ..تأدية واجب وخلاص ..واهو الايام ماشيه
سنه من جوازنا ولسه مفيش حمل
انا مش مستعجله ومش حابه اخد خطوة الانجاب

عشان الطفل ميتظلمش
مرت الايام وانا وعمر بقت حياتنا تقليديه اوي وممله
وبقيت بفكر جديا في الطلاق ..وساعات اقول بلاش
انا مشفتش منه حاجه وحشه وهو مش مقصر في حاجه
لغاية ما حصلت حاجه شقلبت حياتي كلها
كنت في يوم بتغدا في مطعم برا انا وعمر
ولقيت يوسف هو اللي حطلنا الاكل
اول ما عيني جت في عينه ..
لقيت نفسي في دنيا تانيه وسرحت في عيونه
وانا بفتكر كل لحظة حب كانت مابينا
وهو كمان لسه بيقول
تطلبوا ايه يا فندم ..وقف ساكت
وهو مصډوم ومندهش في نفس الوقت
من الصدفه العجيبه دي اللي جمعتنا بعد سنين فراق
بعدها جوزي بص لي وقالي بصوت عالي ..
يتبع
الفصل الثاني 2
لغاية ما حصلت حاجه شقلبت حياتي كلها
كنت في يوم بتغدا في مطعم برا انا وعمر
ولقيت يوسف هو اللي حطلنا الاكل
اول ما عيني جت في عينه ..
لقيت نفسي
في دنيا تانيه وسرحت في عيونه
وانا بفتكر كل لحظة حب كانت مابينا
وهو كمان لسه بيقول
تطلبوا ايه يا فندم ..وقف ساكت
وهو مصډوم ومندهش في نفس الوقت
من الصدفه العجيبه دي اللي جمعتنا بعد سنين فراق
بعدها جوزي بص لي وقالي بصوت عالي ..
وقل أميرة !!
ايوه
بكلمك

ها …اه معاك
هتاكلي ايه
حاولي اخبي ارتباكي وقولتله اطلبلنا انت
وانا هدخل التويلت وراجعه
قمت ومشيت بسرعه وانا متلخبطه
وبقول معقول الصدفه تجمعني بيه من تاني
دخلت الحمام ووقفت قدام المرايا
وانا باصه لنفسي ومش فاهمه مالي
فرحانه ومتاخده ومتلخبطه وخاېفه
مش عارفه مالي بجد ..معقوله لسه جوايا حبه
لحد دلوقت وبعد كل اللي عمله !
وياترى هو لسه بيحبني برضو
فوقي لنفسك يا اميره وبلاش وهم
فجأة الباب اتفتح واټصدمت لما لقيت يوسف
في الوقت دا جوزها كان قلق عليها لما اتاخرت
رن عليها
الفصل الثالث
يا مچنون مش خاېف على شغلك ..لو حد شافك داخل هنا
حمام الستات
يولع الشغل انا بحبك
هشوف مراتي جوه
ايوه بس مينفعش ..مش شايف اليافطة حضرتك

طيب تمام
هكلمها تاني ..ساب اوكرة الباب
ولسه هصرخ من الخضة يوسف كتم نفسي
التليفون رن تاني
اوعى سيبني ارد ..بعد عني ومسكت الفون
الو يا عمر
فينك كل دا
معلش مكنتش سامعه ثواني وخارجه
ظبطت لبسي وشكلي وحاولت ابان طبيعيه
ابتسم وقال
ياريت
اوووف اوعى كدا
سبته وخرجت
.وعمر خدني ورجعنا ع ترابيزتنا قالي
في ايه
ايه !
شكلك متوتره
احممم ..لاابدا مفيش ..يلا بينا
يلا ايه والاكل اللي طلبته
ناخده تيك اواي
خرجت من المطعم ونظرات يوسف بتلاحقني
ركبت عربية جوزي ورجعنا البيت
حط الاكل ويادوب أكلت لقمه ووقفت
مش بتاكلي ليه
باكل اهو ..كمل انت اكلك
سرحت في اللي حصل ..وعلى اد ما كان موقف
موتر
بس
في حاجه جوايا فرحانه وقلبي بيرقص

يوسف كان واحشني اوي
نظراته ليه ولمست أيده ..كل حاجه فيه كانت وحشاني
فضلت ليلتها مش عارفه انام ..وعمر نايم جنبي
مش دريان بيا ولا بمشاعري
وحاسه اني الوضع بقى مختلف
الاول كنت عاوزه انفصل عشان مش قادرة احبه
ودلوقتي عاوزه انفصل
بتحب راجل وهي على ذمة راجل تاني
انا مش عارفه يوسف ظهر ليه دلوقت ..قلب كياني
وبوظ حياتي اكتر ما هي بايظة ..
مكنتش عارفه اني لسه بحبه
بعد كل اللي عمله معايا
بس اللي حصل النهارده اثبت لي أنا لسه مش قادره أنساه
ومش عارفه ايه الي هيحصل
مرت الايام بعدها عادي
عمر في شغله كالعاده ..بيرجع متأخر ..ياكل ويقعد شويه قدام التليفزيون أو يخلص شغله وينام
وافضل انا طول اليوم في حالة ملل
ساعات ع النت او بكلم ماما
أو واحده من صاحباتي ونفضل نرغي في اي كلام
بالساعات على أمل اليوم يخلص وانام

وابدا يوم جديد وملل جديد
وفي يوم قبل المغرب جرس الباب ضړب
قولت اكيد عمر نسي المفتاح ..ساعات بينساه
قمت فتحت ووبص قدامي لقيت يوسف
وانا بقوله انت تاني
وتالت وعاشر ..مش هسيبك
ايه الي جابك هنا ..اتفضل امشي لو سمحت
تؤ ..مش همشي
لو حد شافنا هتبقى مشكله
ميهمنيش
انت عرفت مكاني هنا ازاي
قلبي دلني عليكي
يوسف امشي لو سمحت
لسه هقل الباب ..سمعت صوت اقدام ع السلم
واضح أنه جوزي ..راح بص ع السلم
وقالي جوزك طالع ع السلم
مصېبه هنعمل ايه
يتبع
الفصل الرابع
لسه هاقفل الباب
..سمعت صوت اقدام ع السلم
واضح أنه جوزي ..راح بص ع السلم
ورجع دفعني لجوه ودخل وقفل الباب
وقالي جوزك طالع ع السلم
مصېبه هنعمل ايه

مفيش هستخبى لحد ما اعرف اهرب
يا لهوي اخبيك فين ..دا لو شافك هتبقى م
مفيش وقت ..
ادخلي جوه واقعدي ف اوضتك وانا هتصرف
سمعت كلامه وجريت على اوضتي
وبعد ثواني كان الباب بيتفتح
أميرة انتي فين
بلعت ريقي وانا بقول
انا هنا يا عمر
طيب تعالي حطي الحاجات دي في التلاجه
على ما اغير هدومي واخد شاور
جريت بسرعه عليه وخدت الاكياس منه
اول ما شافني سألني
مالك وشك مخطۏف كدا ليه
لا ابدا مفيش
لا بجد مالك
انا تمام
روح انت وانا هجبلك الغيار
دخل ع الحمام وانا بتلفت ولمحت يوسف
مستخبي ورا كنبة الصالون

شاورتله يخرج بسرعه
لكن اڼصدمت لما لقيت جوزي رجع تاني
ساعتها ارتبكت والاكياس وقعت ع الأرض
مش بقولك فيكي حاجه
طلع الفون بتاعه والمحفظة وحطهم ع الترابيزه
وشال الحاجه من الأرض
كانت في برتقانه تدحرجت وراحت ناحية كنبة الصالون
لسه هيروح يجبها ..صړخت وقولتله
لا…وقف مكانه مصډوم
وسألني فيكي ايه يا أميرة النهارده
أقصد اقولك متتعبش نفسك انت
انا هلم الحاجه واوديها المطبخ ..انت راجع تعبان
من شغلك ..ادخل خد شاور على ما اجهزلك الاكل
مش فاهم مالك بصراحه ..بس تمام
هنتكلم مع بعض وتفهميني ايه الحكايه
دخل ياخد الشاور وروحت المطبخ حطيت الحاجه
ورجعت الاوضة اجيبله الغيار بسرعه

وفي اللحظة دي لقيت يوسف دخل ورايا
ېخرب بيتك ..انت لسه هنا
امشي بسرعه جوزي لو شافك ھيقتلنا
ومالو انا بحبك وبموت فيكي وميجراش حاجه
لو مۏت فداكي
وكانت
فين
البطوله دي وانت بتتخلى عني
وتسيبني اتجوز راجل غيرك
انا قولتلك ظروفي كانت صعبه
وايه اللي اتغير
مفيش ..بس انا لسه بحبك
طب امشي من هنا يلا
ولو جيت هنا تاني صدقني انا
يتبع
الفصل الخامس والأخير
دخل جوزي ياخد الشاور وروحت المطبخ حطيت الحاجه
ورجعت الاوضة اجيبله الغيار بسرعه
وفي اللحظة دي لقيت يوسف دخل ورايا
ېخرب بيتك ..انت لسه هنا
امشي بسرعه جوزي لو شافك ھيقتلنا
ومالو انا بحبك وبموت فيكي وميجراش حاجه

لو مۏت فداكي
هتعملي ايه
بقى كدا ..يعني الحق عليا اني انقذتك منه
كان زمانه ق تلك وخلص عليكي
انت السبب في كل دا ..لو مكنتش ظهرت في حياتي
مكنش دا حصل
يا يوسف متوديش نفسك في داهيه
منا روحتها خلاص ..ميجراش حاجه لما اخد تمن اللي عملته
والتمن دا هو انتي يا أميرة
أميرة ..أميرة
فتحت عنيا لقتني لسه قاعده معاه في المطعم وهو بيقولي
مالك يا حبيبتي ..من ساعة ما جيتي من الحمام
وانتي سرحانه
بلعت ريقي وانا ببصله وبقوله
حبيبي انت كويس
اه انا كويس
انتي اللي مالك
حسيت بفرحه كبيرة انا ربنا كتب لي فرصه تانيه
اني اعمل الصح وابعد عن الغلط
متقلقش انا كويسه .
طب مش هناكل

ايوه طبعا ..بس ممكن ثواني وراجعه
على فين تاني
مش هتأخر اوعدك
اتمشيت ناحية يوسف اللي كان واقف في ركن بيراقبني
جه ورايا وقفنا على جنب
ولسه بيقولي ايه لحقت اوحشك ولا ..
نزلت بالقلم على وشه وقولتله
اياك تفكر تقرب مني تاني والا هندمك ع اليوم الي عرفتني فيه
لسه مفاقش من صدمة القلم ..كنت ذقيته و انا بقوله
لو راجل فكر تقرب مني أو لجوزي وانا همحيك من الوجود
انت فاهم يلا
وسبته ورجعت لجوزي وقعدت معاه واكلنا
وانا ببص ليه وبحمد ربنا أني فوقت لنفسي
وقررت اني مش هسيبه ولا اخرب حياتي
وان اللي ف عقلي دي اوهام ووساوس شيطان
واني متجوزه راجل بجد بيحبني وبيخاف عليا
وبيعمل كل حاجه عشان يسعدني
وانا كمان لازم اعوضه عن اي لحظه تعب أو زعل
شافها مني واعيش ليه وعشانه وبس.
تمت