قصة امراءة ارملة

صاحب الأوضة اللي طردها، والستات اللي اتريقوا عليها في السوق، جم لحد عندها. كانوا سمعوا إن “كلارا الفقيرة” بقى عندها بيت وعز.
صاحب الأوضة دخل بابتسامة صفراء وقال: “يا كلارا يا بنتي، إحنا كنا قلقانين عليكي.. والبيت ده أصلاً في منطقة خطر، تعالي ارجعي المدينة وأنا أجر لك شقة أحسن.”
كلارا بصت له وهي
واقفة بكرامة، وساندة إيدها على بطنها الكبيرة: “الخطر كان وأنا وسطكم يا سيد (منصور).. الخطر كان في القلوب اللي مابترحمش. الجبل ده حضني لما أنتم رميتوني، والحيطان دي سترتني لما أنتم كشفتوا ضهري. البيت ده مش للبيع، والست اللي كانت بتبكي قدامكم، ماتت في أول ليلة قضتها هنا.”
ليلة الميلاد والعهد الجديد
وفي ليلة شتا قاسية، والبرق بيخطف العين، “كلارا” حست بآلام المخاض. مكنش فيه حد جنبها غير الست “مريم”، واحدة من العاملات اللي حبوها وفضلوا معاها. ولدت كلارا ولد زي القمر، صرخته كانت مالية الأوضة، كأنها بتعلن عن بداية عهد جديد لعيلة “كلارا”.
أول ما مسكت ابنها، بصت للوحة القديمة وهزت راسها كأنها بتشكر “إلينا” اللي سابت لها الكنز. كلارا ملمستش باقي الدهب؛ هي قررت تسيبه “أمانة” للأجيال اللي جاية، واكتفت بالستر والرزق اللي طلع من الأرض بتعب إيدها.




