وافقت اتجوز راجل عجوز
في يوم وهي بتتعشى، سألته:
—هو حضرتك عندك كام سنة بجد؟
ابتسم بهدوء:
—كفاية إني أعرف لما حد شايل الدنيا كلها على كتفه.
الإجابة خوفتها أكتر.
في نفس الليلة، واحدة من الخدم قالت لها وهي بتقدملها الشاي بصوت واطي:
—يا مدام… متخافيش لو شوفتي الحاج بيعمل حاجات غريبة. كل حاجة بيعملها… ليها سبب.
سارة معرفتش تنام. حوالي نص الليل، خرجت للطرقة اللي بتطل على الجنينة علشان تاخد نفس.
وهناك… شافت حاجة خلت الدم يتجمد في عروقها.
الحاج محمود كان واقف بضهره تحت نور خافت.
رفع
إيده على رقبته… وبدأ يشد في جلده.
سارة كتمت صرختها بإيدها.
لأن اللي وقع على الأرض… مكانش مكياج.
كان قناع.
وتحت وش الراجل العجوز… كان فيه وش شاب.
وش هي شافته قبل كده… في إعلانات، في مجلات، في صور لرجال أعمال كبار.
في اللحظة دي… فهمت إن كل حاجة كانت وهم.
وإنها داخلة على حاجة عمرها ما كانت متخيلها.
سارة كانت واقفة ورا الستارة، أنفاسها مسموعة في هدوء الليل. الشاب اللي واقف قدامها كان “ياسين الشافعي”، الابن الأصغر والوحيد للإمبراطور الراحل محمود الشافعي، والشخص اللي الصحافة أعلنت وف,,اته في ح,,ادثة طيارة من سنتين!
ياسين التفت فجأة، كأن حواسه كانت متأهبة. عيونه الحادة وقعت على سارة. مكنش فيه نظرة العجز أو المرض اللي كانت بتشوفها في “الحاج محمود”، كانت نظرة صقر محبوس.
