احاديث تيكتوكية بقلم لمياء شاهين

ازاي عرفت إن أمي بتغير مني؟؟ تقول صاحبة القصة: أمي كانت متعودة تقص شعري كنوع من العىقاب.. مش بتقصره.. لا بتقصه تمامًا.. كل مرة تحس فيها إني كبرت وبقيت فخورة بنفسي.. أول مرة حصلت كان عندي 9 سنين.. كنت لسه كسبانه مسابقة التهجئة في المدرسة وحرفيًا حاسة إني طايره من على الأرض.. بابا كان فخور بيا.. سلم عليا وقالي إننا هنحتفل بالآيس كريم..

بس أمي وقفت في مكانها في المطبخ وعلى وشها نظرة غريبة.. مقالتش حتى مبروك.. مقالتش أي حاجة..

في نفس اليوم بالليل جت أوضتي ومعاها مقص.. مش مقص بتاع شعر.. مقص عادي بتاع المطبخ.. وقالت “انتي محتاجة قصة شعر.. شعرك الطويل ده مخلي شكلك وحىش”.. قعدتني على كرسي الحمام وقصت شعري..

لما خلصت شعري ماكنش حتى واصل لودني.. كان شكلي شبه الولاد.. عيطت اليوم ده لحد ما نمت..

نفس الموقف اتكرر تاني لما عرفت إني من أوائل الطلبة.. ومرة تانية لما ولد طلب مني نروح حفلة المدرسة سوا.. وحصلت تاني لما مدرسة الرسم اختارت رسمة بتاعتي عشان المدرسة تشارك بيها في مسابقة الولاية..

كل مرة نفس اللي بيحصل.. حاجة كويسة تحصل معايا.. وفي خلال 24 ساعة بس.. ماما تيجي بالمقص في أيدها.. بابا عمره

ما وقفها.. كان بيسيب البيت لما ده يحصل.. يركب عربيته ويلف بيها… ويرجع بعد ساعة وكأن مفيش حاجة حصلت..

أسوء مرة كانت لما كنت في أولى ثانوي.. كنت أخيرًا قدرت أطول شعري ويوصل لكتفي.. وفي ولد كنت معجبة بيه جدًا اسمه تايلور.. قالي شكلك حلو.. كان شعور حلو أوي إن حد شايفني وملاحظني..

وغلطت يومها واحنا ع العشا وقولت اللي حصل.. ماكنتش بفكر في حاجة.. بس أخدت بالي إن وش أمي اتغير.. حطت الشوكة من أيدها ببطء وقالت لي “يلا نصلح شعرك المتقصف بعد العشا”

كنت عارفه كويس كلامها ده معناه ايه.. حاولت أحىبس نفسي في أوضتي اليوم ده.. بس ماما فضلت تضىىرب الباب لحد ما فتحته وكانت هتكىسره.. جرتني لحد الحمام.. بابا كان بيتفرج على التلفزيون.. على الصوت عشان ميسمعنيش وانا بنده عليه..

المرة دي قصته أقصر من كل مره.. كنت شبه الولاد بالظبط.. كان المفروض صور الكتاب المدرسي بعد يومين بس.. شكلي كان حزين جدًا في الصور دي.. واضح إني كنت بعيط.. وعيني كانت حمرا..

بس مش كل ده المىأساوي.. المىأساة بجد إني ماكنتش مدركة إن ده غلط إلا لما بقى عندي 26 سنه.. كنت بتعالج نفسيًا من القلق.. وذكرت في مرة إن ماما كانت متعودة تقص شعري لما بتصرف

بتفاخر من إنجازاتي..