احاديث تيكتوكية بقلم لمياء شاهين

المعالجة فضلت بصالي شوية قبل ما تسألني “يعني انتي مش فاهمة إن تصرفات امك دي لأنها كانت حاسه بالتهديد من ناحيتك؟”

السؤال كأنه كىسر جوايا حاجة.. فجأة ذكريات كتير أوي رجعت لي.. ازاي ماما بتضيع هىدومي جديدة قبل الفاعليات المهمة في المدرسة.. ازاي كانت بتعلق على لوحاتي إنها “كويسة” بنبرة كأنها بتجاملني.. ازاي كانت بتفرقع أي حباية ف وشي وانا ف سن المراهىقة ومش بتعمل كده لنفسها.. ازاي كانت بتقارن صورها في ثانوي بصوري في ثانوي.. ودايمًا تقول إنها كانت أجمل مني في نفس السن..

المعالجة قالت الكلمة اللي مقدرتش أنطقها “غيرة”.. امي كانت بتغير مني أنا بنتها.. اللي بيحصل معايا ماكنش محاولات عشان تخليني متواضعة والا تعلمني اخد بالي من تصرفاتي..

هي كانت بتكىسرني عشان ماكنتش قادرة تتعامل مع حقيقة إني حلوة وناجحة ومحبوبة..

أمي كانت أجمل وأشهر بنت في مدرستها الثانوي.. اللي كل الولاد بيعجبوا بيها.. بس بعد ما خلفتني وهي 22 سنه.. تخنت.. وشعرها بقى خفيف.. وعمرها ما حست إنها حلوة زي زمان تاني.. ف بدل ما تعالج المشاكل دي.. بقت تنتفم مني أنا..

كل مرة أخد أي انتباه إيجابي من الي حواليا.. كانت بتفتكر

الحاجات اللي هي خسرتها.. ف حرفيًا كانت بتقص شعري عشان تكىسر ثقتي بنفسي..

أنا دلوقتي 31 سنه.. بحافظ على شعري طويل.. طويل جدًا.. أطول من وسطي.. أخدت سنين عشان أربيه… بعد كل الأضىرار من القص..

أحيانًا بقف قدام المراية.. واحس إني محتاجة أعتذر إن ليا مكان في العالم.. أعتذر إني حلوة.. إني مرئية..

أنا وأمي نادرًا ما بنتكلم دلوقتي.. الكريسمس اللي فات كانوا عازمني.. واحنا قاعدين ناكل قالت لي “عارفه.. شعرك بقى طويل شوية.. والا أيه رأيك؟”

بصيت لها وقولت لها “انا بحبه كده”

النظرة على وشها قالت لي كل حاجة.. هي كانت عارفه إني فهمتها وفهمت تصرفاتها زمان كويس أوي..

عارفين أسوء حاجة في موضوع الشعر ده ايه.. مش إنها كانت بتخلي شكلي وحىش قاصده.. بل إن الشخص اللي المفروض يبني ثقتي بنفسي ويسندني قضى طفولتي كلها بيذمرني متعمد.. عشان ماكنتش قادرة تتحمل شعورها بإنعىدام الثقة في نفسها..

هي دي الحيانة اللي مش هتتعالج بالوقت.. أنا لحد دلوقتي بحس بالخوف لما حد يقولي كلمة حلوة والا يثني عليا..

لسه عندي صوت في دماغي بيقولي “أنت مغرورة لو قبلتي كلام حلو من حد” بس انا بحاول أشتغل على ده دلوقتي.. وشعري لسه طويل زي

ما انا عايزه بالظبط…

#احاديث_تيكتوكيه
#LamiaaShaheen