خطيبي قبل فرحنا
هي اتوترت.
وأنا ابتسمت.
— مبروك.
قالت بسرعة:
— الله يبارك فيكي.
— للعريس يعني.
سكتت.
قربت منها خطوة.
— مين العريس يا عفاف؟
بلعت ريقها.
— قلتلك… قريبنا.
— اسمه إيه؟
— مريم، مالوش لازمة الأسئلة دي.
ابتسمت.
— صح.
مسكت شنطة صغيرة من فوق الكرسي كأني جيت آخدها.
وقلت:
— أصل أنا كنت فاكرة لثانية إني شفت محمود.
إيدها اتحركت من فوق الترابيزة.
وقعت زجاجة عطر صغيرة.
اتكسرت.
سكتنا.
ريحة العطر انتشرت في المكان.
عفاف بصت لي.
وأنا بصيت لها.
قلت بهدوء:
— غريبة، صح؟
قالت بسرعة:
— إنتِ أكيد لسه متأثرة.
— يمكن.
— إنتِ مريتي بصدمة كبيرة.
— طبعًا.
قربت منها.
— تخيلي الواحد يقضي 3 شهور بيعيط على واحد فاكره مات… وبعدين يبدأ يتخيل إنه شايفه في الأفراح.
وشها بقى أبيض.
قلت:
— حاجة تخوف.
ردت بصوت واطي:
— روحي يا مريم.
— أمشي؟
— أيوه.
— ليه؟
— عشان نفسك.
الجملة دي شدت انتباهي.
— عشان نفسي؟
