خطيبي قبل فرحنا
كل واحد في القاعة فجأة بقى بالنسبة لي مشتبه فيه.
الراجل الكبير اللي واقف جنب الباب.
الست اللي بتتكلم في الموبايل.
المصور.
عامل القاعة.
حتى أقارب محمود.
كلهم بقوا يخوفوا.
قلت:
— إنت قلت إنك شاكك في حد.
— مش هنا.
— مين؟
— مريم!
— مين يا محمود؟!
كان هيرد، لكن واحد من رجالة الإسعاف دخل جري.
الناس بعدت.
بدأوا يكشفوا على يوسف.
واحد منهم قال:
— النبض ضعيف.
داليا صرخت.
عفاف وقعت على الكرسي.
ومحمود راح ناحية أخوه فورًا.
أنا فضلت واقفة.
جزء مني كان عايز أمشي.
أهرب من العيلة دي كلها.
أرجع بيتي.
أقفل الباب.
وأنسى إن محمود عايش أصلًا.
لكن الرسالة منعتني.
لأن دلوقتي الموضوع بقى يخصني.
أنا بقيت جوا اللعبة.
حتى لو غصب عني.
بعد دقائق، خرج يوسف على النقالة.
عفاف ركبت معاه.
وداليا كانت هتمشي وراهم، لكن محمود وقفها.
— خليكي هنا.
بصت له بصدمة.
— إنت مجنون؟ ده يوسف!
— أنا هروح.
— وأنا مراته!
الكلمة خلّتني أبص لها.
