قصة الملياردير والصغيرة

رأفت ضحك ضحكة قصيرة، مش عشان الموضوع يضحك، بس عشان هو متعود يسيطر على الموقف بالهزار. لو هزرت الأول، يبقى إنت اللي فوق.

شاور على العربية وقال بلهجة فيها تريقة:شاور على العربية وقال بلهجة فيها تريقة:

“شكلنا محتاجين مساعدة هنا.”

الضحك زاد حواليهم.

ربع إيده وبص لها كأنه بيلعب لعبة مفيش منها خطر:

“بقولك إيه،” كمل كلامه باستهزاء، “أنا هديكي 100 مليون دولار لو عرفتي تخلي البتاعة دي تدور وتمشي تاني.”

رأفت كان بيقول الجملة وهو متخيل إنها “نكتة” اليوم، والشباب اللي واقفين ميتين

من الضحك، واحد فيهم زعق: “يا باشا دي آخرها تبيع لك مناديل، 100 مليون إيه بس؟ دي متعرفش تعد لحد مية أصلاً!”
جنا رفعت راسها براحة، عينيها مكنتش خايفة زي الأول، كانت هادية بزيادة.. هدوء خلى رأفت يحس بـ نغزة غريبة في قلبه. هي بصت له، وبعدين بصت للعربية الضخمة اللي سعرها ممكن يعيش منطقة كاملة في رفاهية لسنين، وقالت بصوت واثق ومستقر:

— “حضرتك بتتكلم جد؟”

الشارع كله سكت. رأفت، اللي لقى نفسه متورط في لقطة قدام كاميرات الموبايلات، طلع محفظته الجلد الغالية، وطلع منها كارت شخصي “دهبي” وقال بفرعنة:

— “كلمتي عقد يا شاطرة.. اطلبي الرقم اللي في الكارت ده، وقولي لهم رأفت المنشاوي وعدني بـ 100 مليون لو دورت العربية.. ها، ورينيجنا قربت من العربية، والناس بدأت تزيد، الزحمة بقت خانقة. البنت حطت كيس البلاستيك اللي معاها على الرصيف بحرص، ورفعت كم السويتر الواسع. رأفت كان واقف ساند ضهره على الباب، مبتسم بـ “قرف” وهو مستني اللحظة اللي هتفشل فيها عشان ينهي الفقرة دي ويطلب الونش.