قصة الملياردير والصغيرة

البنت ملمستش الموتور، ولا فتحت الكبوت. مشيت بخطوات بطيئة لحد “الشكمان” ورا، وطت بجسمها الصغير، وبصت بتركيز.. وبعدين مديت إيدها جوه فتحة الشكمان وطلعت “حجر” صغير كان محشور بزاوية غريبة، ومعاه حتة قماش قديمة مكرمشة.الناس استغربت، ورأفت كشر:

— “إيه ده؟”

جنا ما ردتش، راحت ناحية باب السواق، وبصت لرأفت وقالت له:

— “انزل يا بيه.. وسيبني أجرب.”

رأفت ضحك باستهزاء:

— “نعم؟ أركبك مكاني؟”

بس تحت ضغط الجمهور اللي بدأ يشجع “خليها تجرب يا باشا!”، نزل وهو بيبرطم. جنا قعدت على الكرسي

الجلد، جسمها كان غطسان جوه الكرسي الواسع، ورجليها يادوب طايلة الدواسات. حطت إيدها على زرار التشغيل “Start”، وغمضت عينيها ثانية.. ودست.
“رعععععععععععن!”

الموتور زأر زئير قوي هز الشارع كله. الدخان طلع من ورا، والأنوار نورت بقوة، وصوت المكنة بقى منتظم وزي الساعة.الشارع انفجر بالصفير والزغاريط. الشباب اللي كانوا بيصوروا بقوا يهللوا: “عملتها البنت! عملتها!”

رأفت وقف مكانه مصدوم.. مش من إن العربية دارت، لكن من السهولة والبساطة. البنت نزلت من العربية، وراحت خدت كيسها من على الرصيف، ووقفت قدامه.

— “العربية كانت مكتومة يا بيه.. حتة قماش وحجر سدوا النفس، والموتور فصل أمان.. مكنتش محتاجة ميكانيكي، كانت محتاجة حد ‘يحس’ بوجعها.”